Eispriseanachas Gearmánach

German expressionist style painting of a young girl wearing a black and yellow striped playsuit. There are five nude figures in the background, and the painting is set in a field with large trees. — Max Pechstein (1881–1955), 'The Yellow and Black Jersey (Das gelbschwarze Trikot)', 1910. Brücke-Muesum, Long term loan. Brücke-Museum, Photo: Nick Ash.

9 Meán Fómhair 2027 - 9 Eanáir 2028
Seomraí 6-10 | Ticéid idir €0-€16

Seo an chéad taispeántas in Éirinn agus sa Ríocht Aontaithe le 60 bliain a léiríonn saothar an dá ghrúpa lárnacha Gearmánacha, Die Brücke (Droichead) agus Der Blaue Reiter (An Marcach Gorm), a bhí gníomhach ó thús an fhichiú haois go dtí deireadh an Chéad Chogaidh Domhanda. Comhdhéanta de ghlúin nua ealaíontóirí radacacha, saorsmaointeoireachta, rinne na comharghrúpaí seo turgnaimh le foirm agus le hobair scuaibe chun talamh nua a bhriseadh i bpéintéireacht an fhichiú haois.

Ag obair go comhthreomhar i réigiúin éagsúla sa Ghearmáin, rinne Die Brücke agus Der Blaue Reiter iarracht an phéintéireacht a scaoileadh ó shrianta nádúrtha agus déine, trí thaithí agus mothúchán aonair a chur in iúl ar an chanbhás. I measc na n-ealaíontóirí atá le feiceáil sa taispeántas seo tá Wassily Kandinsky, Gabriele Münter, Franz Marc, Ernst Ludwig Kirchner agus Karl Schmidt-Rottluff. Léiríonn an taispeántas seo éachtaí suntasacha na n-ealaíontóirí seo sa phéintéireacht - na dathanna spleodracha, na strócanna scuaibe fuinniúla, agus an ilroinnt fhoirmiúil a d’oscail na doirse don teibíocht.

Bailíonn Eispreasachas Gearmánach breis is 50 saothair iasachta idirnáisiúnta, nach bhfeictear go minic sa Ríocht Aontaithe ná in Éirinn, chun intreoir cuimsitheach a thabhairt ar an nóiméad claochlaitheach seo i bpéintéireacht nua-aimseartha.

Coimeádaí: Sean Rainbird, iar-stiúrthóir ar Ghailearaí Náisiúnta na hÉireann agus Staatsgalerie Stuttgart.

Taispeántas eagraithe ag an National Gallery, Londain i gcomhar le Gailearaí Náisiúnta na hÉireann.

Tacaíonn Rialtais na hÉireann agus na Ríochta Aontaithe leis an tionscadal seo faoin gClár um Chomhar Cultúrtha idir an Ríocht Aontaithe agus Éirinn 2026-2030.